العيد صبحك والهدية حضـورك
ياللي بشوفك يصبح العيـد غايـة
يشتاق فجر العيد ريحة بخـورك
وأشتاق قولك: (عيد وأنتِ معايه)
ألبس وأغيـر وأتخيـل شعـورك
وأمشط وأطيب ما هجرت المرايه
تشرب ثيابي العطر لحظة ظهورك
وأسكر بعطرك لا تخلـل هوايـه
أروح وأرجع أتحـرى مـرورك
أفلّ شعر القلب وأضفـر شقايـه
أردد أبياتك , وأقطـع بحـورك
أبغى التفوق في الغـلا ياغلايـه
الله يوم أشرق على القلب نـورك
أجهر حروفي ,دسّ شعري ورايه
تفتح بشوفك في خـدي زهـورك
تبي تحس في نظرتـك بالرعايـة
كلي أمل أحظى ابسمة سـرورك
وأقرأ في وجهك ما يسطر هنايـه
*******************
العيد ما هو يوم واحد بــ شوال
العيد يا عذب الكلام بـ وجودك
العيد فرحة شايب وبنت واطفال
العيد مركب ما رسى في حدودك
العيد ذكرى فيه لمحات لأجيال
العيد دعوة حب لأول جدودك
العيد غاده لوعت قلب رجال
العيد رجل ٍ ذاق حالي وعودك
العيد طفله جايره مترفة حال
العيد طفله عايشه في جمودك
العيد دمعة طفل والجوع قتال
العيد طفل باكي ٍ من جحودك
العيد يا ورد ٍ نبت بـ اشهب الال
العيد رشة من عطر في خدودك
العيد فيه الحظ مايل ولا مال
العيد انسى شوي اخر صدودك
العيد آمال بنا حلمها فــال
وكل الأمل عيد ٍ سعيد ووجودك
اهلا وسهلا بكـ , لديك: 0 مساهمة .
آخر زيارة لك كانت في : الخميس يناير 01, 1970 . 
الجنس
الثلاثاء أغسطس 21, 2012 11:54 pm